●8 nyied 31 hauh banhaemh, Yungzanh Yen Cangzanh Cin Siujcouh Cunh gawjbanh“coux bet cibngux”vwnzyi vanjvei, doenghgij vwnzyidui gungh yienjok 25 aen vwnzyi cezmuz nem 3 aen gigungh ndawbiengz, gungh miz 300 lai vunz dangdieg yawj vanjvei.

(Veiz Cujswz)

●8 nyied 30 hauh, Gungh- cwngz Yauzcuz Swciyen caeuq Cungzging Swsieng Sizyez Youjhan Gunghswh cingqsik doxyaeng ndei, gunghswh yaek roengz 100 ik maenz dajcaux gizdieg guh gozci lijyouzgih. Hanghmoeg yaek faen 3 geiz guh, guh baenz le guj moix bi ciepdaih hekyouz 500 lai fanh vunzbaez, bi lijyouzyez canjciz 40 lai ik maenz.

(Lij Cingez Dangz Yizmingz)

●8 nyied 29 hauh, Nanzningz Si Minzveij hidungj hai aen hoih bineix buenq bi gonq gunghcoz cungjgez nem cauxguh daengx guek minzcuz doxgiet cinbu sifan si doihaeuj veiyi, daengx si gak yienh(gih) minzcuzgiz gizcangj, Si Minzveij、Minzyijveij daengxcungq yenzgungh, bouxfucwz si saujsu minzcuz louzdoengh fuzvu cungsim nem ranz minzcuz daengj 42 vunz camgya.

(Veiz Yenzfuz)

●8 nyied 28 hauh, Sangswh Yen aen gunghcwngz byauhci minzcuz doxgiet——Gyauanh Cin Sunghbwz Cunh Bouxcuengh Bouxgun Bouxyauzcuz caemhsim gwnraemx gunghcwngz cingqsik haigoeng. Aen gunghcwngz neix roengz 40 fanh maenz, diuz gyongjraemx daeuz de raez 10 goengleix, guj bineix 10 nyied guh baenz ndaej yungh.

(Cinz Haijcing Lij Yiyungj)

●8 nyied 26 hauh banhaet, Vuzcouh Si Cangzcouh Gih Gunghsanghlenz doenghboux giyezgyah camgya fat cienzngaenz banghag hozdung, gungh fat 26 fanh maenz hawj ndaw gih 139 boux hagseng gauhcungh、dayoz ranz gungzhoj (ndawde 53 boux dwg saujsu minzcuz).

(Cangzcouhgih Minzcunghgiz)