(ciep geizgonq)
39
Buzyiengz dingq naeuz neix 杨婆听此话，
Hengz gveijgeiq gouz nyiuz 施诡计求饶；
Yienzliengh gou baez ndeu 原谅我一回，
Mbouj caiq ciu huxhaih 不再把祸招。
Gyaep mwngz ok bae ma 驱赶你出去，
Lwg danggya hix ndaej 儿当家也好；
Buzyiengz dingq naeuz neix 杨婆听此话，
Hengz gveijgeiq gouz nyiuz 施诡计求饶。
Buzyiengz rox mbouj ndei 杨婆知不好，
Couh roengzgvih gouz nyiuz 就下跪求饶；
Yienzliengh gou baez ndeu 原谅我一回，
Mbouj caiq ciu huxhaih 不再把祸招。
40
Dingq baz yienghneix gangj 听她这样讲，
Gvan gag nanq ndawsim 公内心自估；
Laihnaeuz goj dwg cin (caen) 以为可是真，
Youh cienq din ok rog 又转身外出。
Baezneix gou guh loeng 这次我做错，
Cingj gvangoeng yienzliengh 请丈夫饶恕；
Dingq baz yienghneix gangj 听她这样讲，
Gvan gag nanq ndawsim 公内心自估。
Baz gyajcingz gyajeiq 婆假情假意，
Daeuj biujseiq gietsim 来向夫陈述；
Laihnaeuz goj dwg cin 以为可是真，
Youh cienq din ok rog 又转身外出。
41
Daengq Sinhngeiz Dahlingz 嘱顺儿达怜，
Aeu dingqcoengz meh gyauq 要听从娘说；
Doiq Daegciengh huzhauj 对特丈要好，
Ngonz gyabauj caj gou 看家财等我。
Baezneix gou okbae 这次我出去，
Samseiq bi mbouj rin (raen) 三四年就过；
Daengq Sinhngeiz dahlingz 嘱顺儿达怜，
Aeu dingqcoengz meh gyauq 要听从娘说。
Goengyiuz yaek okbae 姚公将出去，
Daengq bae youh daengq dauq 他反复嘱托；
Doiq Daegciengh huzhauj 对特丈要好，
Ngonz gyabauj caj gou 看家财等我。
42
Goengyiuz ngamq okdou 姚公刚出门，
Baz youh hai doeggeiq 婆又下毒手；
Ra saeh haih Sinhngeiz 栽赃害顺儿，
Siengj dawz mbei dwk laeuj 想挖胆下酒。
Baz bakyouz bakhaj 婆油嘴滑舌，
Doiqnaj gangj goj ndei 当面开好口；
Goengyiuz ngamq okdou 姚公刚出门，
Baz youh hai doeggeiq 婆又下毒手。
Cienz gwn vunz sengleix (senglix) 专门吃活人，
Baz neix sim mbouj ndei 这婆心太丑；
Ra saeh haih Sinhngeiz 栽赃害顺儿，
Siengj dawz mbei dwk laeuj 想挖胆下酒。
43
Gyajeiq naeuz Sinhngeiz 假意话顺儿，
Mwngz roengzbae vat cingj 你下去挖井；
Mbouj rox baz haih mingh 不懂婆谋害，
Hix goj dingq baz gangj 她讲也就听。
Ndawsim caen siengj gaj 内心真想杀，
Doiqnaj cix naeuz gyaez 当面爱如命；
Gyajeiq naeuz Sinhngeiz 假意话顺儿，
Mwngz roengzbae vat cingj 你下去挖井。
Vat yied laeg yied ndei 挖越深越好，
Mbouj hawj meiz di lingq 不得有陡岭；
Mbouj rox baz haih mingh 不懂婆谋害，
Hix goj dingq baz gangj 她讲也就听。
44
Vat ndaej sam ciengh lai 挖三丈多深，
Baz couh hai geiqvah 她诡计施行；
Dawz de haem youq laj 把顺儿埋下，
Baz couh ra namh dienz 她找土填井。
Eu Daegciengh daeh rin 叫特丈搬石，
Baz caensim daeuj haih 她真要害命；
Vat ndaej sam ciengh lai 挖三丈多深，
Baz couh hai geiqvah 她诡计施行。
Aeu rin raix roengz cingj 倒石头下井，
Siengj aeu mingh lwggyax 想要孤儿命；
Dawz de haem youq laj 把顺儿埋下，
Baz couh ra namh dienz 她找土填井。
45
Sinhngeiz daej hemq mbwn 顺儿哭喊天，
Gingdoengh daengz nyawhdaeq 惊动到玉帝；
Baiq dien youh baiq deih 拜地又拜天，
Haem vunzleix (vunzlix) coih lai活埋罪恶极。
Sinhngeiz youq ndaw cingj 顺儿在井下，
Raen baz gingj roengz rin 见她滚下石；
Sinhngeiz daej hemq mbwn 顺儿哭喊天，
Gingdoengh daengz nyawhdaeq 惊动到玉帝。
Baz yawz doeg nyinx lai 她怎这样毒，
Siengj haih dai Sinhngeiz 害死顺儿弟；
Baiq dien youh baiq deih 拜地又拜天，
Haem vunzleix (vunzlix) coih lai活埋罪恶极。
46
Sinhngeiz daej hemq mbwn 顺儿哭叫天，
Miz sienvunz daeuj gouq 有神仙来救；
Dawz Sinhngeiz hwnjdaeuj 救顺儿起来，
Baz haih youh ndi dai 她害死不了。
Baz neix simrwix lai 这婆心毒多，
Caenh siengj haih dai vunz 想害人死掉；
Sinhngeiz daej hemq mbwn 顺儿哭叫天，
Miz sienvunz daeuj gouq 有神仙来救。
Sinhngei caen hojlienz 顺儿真可怜，
Caeklaiq miz sien louz 幸有仙挽留；
Dawz Sinhngeiz hwnjdaeuj 救顺儿起来，
Baz haih youh ndi dai 她害死不了。
47
Sinhngeiz ndaej hwnjma 救顺儿上来，
Doek raemxda mbouj duenh 眼泪流不干；
Cienz mbanj gak beixnuengx 全村众兄弟，
Bouxboux cuengqsing cangz 人人放声叹。
Duzsien roengzdaeuj gouq 神仙下来救，
Dawz cingj buq couh vax 破井救人还；
Sinhngeiz gouq hwnjma 救顺儿上来，
Doek raemzda mbouj duenh 眼泪流不干。
Baz neix sim mbouj ndei 这婆心不好，
Haih Sinhngeiz dai uengj 害顺儿够惨；
Cienz mbanj gak beixnuengx 全村众兄弟，
Bouxboux cuengqsing cangz 人人放声叹。
(caengz sat)
缩小
默认
