1、Genhciz lienhndang. Seiz- cou aeu cizgiz lienhndang, daez- sang gengangh suijbingz, hawj aenndang lai dingj ndaej bingh. Aeu lai guh dijyuz hozdung, hawj aenndang lai “gyoet” di. Mbwn cienj liengz seiz gaej gip dem daenj buhvaq, hawj aenndang lai lienh dingj nit. Yindung aeu yawj vunz bae guh, gaej guh daiq haenq, ceiq ndei dwg bae youzbyaij、dwkgiuz、guh dijcauh、dwk daigizgenz、lienh heiqgoeng、menh- buet daengj couh ndaej.

2、Genhciz fuengz bingh. Yawhfuengz ganjyenj mbangj bingh ciengz raen、bingh lai fat. Lumj dwgliengz、heiqguenj fat- yiemz、dungx in、hoh in daengj. Boux miz heiqguenj fatyiemz、dungx in aeu haeujsim bauj raeuj, mbouj ndaej deng nit, fuengz binghgaeuq fukfat.

3、Genhciz ciengx ndang. Haeujsim gwnndoet diuzciengx, habdangq yietnaiq, lai gwn haeux- co haeuxcab. Seizcou mbwn hawqsauj, aeu lai gwn di raemxgoenj、caz cit、gienghduh caeuq cijvaiz, lij aeu lai gwn di lwgmaenz、haeuxyangz、lwgraz、byaekheu、lwgndae、gyoijhom、dangzrwi、makcauj nding daengj doxgaiq dem.

Linghvaih, gyangngoenz guh- hong aeu habdoh, gyanghaemh guh’angq gaej ngaizhwnz lai, ngoenz aeu ninz gaeuq 8 diemj cung.