Seizcou aenmbwn daj ndat bienq liengz, aenndang bouxvunz vihliux sikhab cungj bienqvaq neix, sengleix baiz ok hix gaenriengz fatseng bienqvaq. Gwn gijgwn gaej daiq ndip daiq gyoet, mienxndaej baenz dungxraeng, conghsaej ndaej bingh, habdangq lai gwn di gijgwn raeuj he.

Ndaw lwgmaenz hamz miz dangz、danbwzciz、nyinzsei caeuq lai cungj veizswnghsu, ndawde suenq dwg hamz β- huzlauxbaeg doxgaiq、veizswnghsu E、veizswnghsu C ceiq lai.

Lwgmaenz yingzyangj gyaciz sang, caemhcaiq hamz miz mba、nyinzsei gijgwn、huzlauxbaeg doxgaiq、veizswnghsu A、veizswnghsu B、veizswnghsu C、veizswnghsu E、gyaz、dez、dungz、sih、gai daengj cib lai cungj veizlieng yenzsu caeuq yayouzsonh daengj doxgaiq dem, yingzyangj gyaciz sang dangqmaz, deng gyoengq yingzyangj conhgyah haenh guh gijgwn baujgen yingzyangj ceiq doxdaengh ndeu.