Makit sauj: Gwn de ndaej bouj heiqlwed, leih raemx siu foeg, hamz diet lai, ndaej yawhfuengz geizdaiqndang lwedhaw caeuq foegfouz. Yienznaeuz de ndei gwn, hoeng gaej gwn daiq lai, boux mehdaiqndang ndang haemq biz caeuq boux mehdaiqndang baenz binghnyouhdangz ciengeiz gaej gwn makit sauj.

Makdaihcauj: De yingzyangj gyaciz gig sang, hamz miz veizswnghsu C gig lai, lij ndaej bouj diet dem. Danhseih gaej gwn daiq lai, gwn lai rox baenz dungx ciengq heiq.

Makbingzgoj: De soemj diemz rang byoiq, hamz miz gij cwngzfwn habbaenz goetndok caeuq diuzheuj lwgnyez aeu miz haenx, ndaej fuengzceih mehdaiq- ndang ndok unq, mehdaiqndang gwn de caemh ndaej fuengz haexgaz.

Maknguh: Gwn de ndaej cangq dungx nyinh saej, coi raemxcij ok lai, hamz miz lai cungj veizswnghsu caeuq dangzmak、dangzmakit daengj. Dwg gij saejdaeuz ndei gwn mehdaiqndang.

Maklaeq: Hamz miz dan- bwzciz、youzlauz、dansuij vahoz- vuz、gai、linz、diet、sinh、lai cungj veizswnghsu daengj yingzyangj cwngzfwn, ndaej cangq mamx ciengx dungx、bouj mak nyangq nyinz、vued lwed dingz lwed. Mehdaiqndang ciengz gwn de, mboujdanh ndang cangq ndok genq, lij mizleih ndokbuenz fazyuz、siucawz geizdaiqndang naetnaiq dem.