8 nyied 20 hauh laj- byonghngoenz, Ginhsiu Yauzcuz Swciyen Gaiq Daihngeih Yauz- cuz Dingj Gyong Doxdax youq gyongnaezhenj swnjcienz gihdi gawjhengz, foux gyongnaezhenj dwg aen hozdung gyoengq Yauzcuz yinzminz vih siengj- niemh、caeqbaiq cojcoeng Buenzvuengz ndeu. Moix bi haeux ndaej fungsou roxnaeuz ngoenzciet, Yauzcuz yinzminz couh doxcomz hwnjdaeuj roq gyongraez、eu fwen、guh dingj gyong doxdax, yungh cungj fuengsik neix daeuj caeqbaiq cojcoeng Buenzvuengz, hawj de baujyouh bi daihngeih haeux ndaej fungsou, yinzminz vuenyungz doxhuz. Dangqnaj, foux gyongnaezhenj gaenq deng lied haeuj swcigih feihvuzciz vwnzva yizcanj baujhoh mingzloeg ndawde bae, foux gyongnaezhenj Yauzcuz youq bi 2006 ndwen 10 caeuq bi 2007 ndwen 11 faenbied youq camgya Gvangjsih Daih Cib’it Gaiq Saujsu Minzcuz Conzdungj Dijyuz Yindung’vei caeuq Cunghvaz Yinzminz Gunghozgoz Gaiq Daihbet Saujsu Minzcuz Conzdungj Dijyuz Yindung’vei gwnzde aeundaej gimciengj. (Banz Linzfungh/盘林锋)