Bineix dwg Dwng Siujbingz doekseng 110 hopbi caeuq Baksaek Gijyi 85 hopbi, duenhneix gvaqdaeuj, Denzdungh Yen Bingzmaj Cin Mbanj Hungzginh youh nauhyied hwnjdaeuj lo, ngoenznaengz cungj miz donzdui caeuq goyinz bae daengz gizde canhgvanh nem ciepsouh gwzming gyauyuz. Canhgvanh Mbanj Hungzginh Bwzguz hix dwg cungj fuengsik geiqniemh Dwng Siujbingz doekseng 110 hopbi caeuq geiqniemh Baksaek Gijyi 85 hopbi he, Bwzguz yinzminz doengzcaez dungyenz camgya gwzming, haenqrengz guh vujcangh doucwngh, Dwng Siujbingz、Cangh Yinzyiz、Leiz Ginghdenh、Veiz Bazginz daengj gaenq bae daengz gizde cijdauj gwzming、senhconz gwzming lijlun gvaq. Dangseiz daengx mbanj miz 86 ranz vunz, cawz ranz ndeu dwg dicuj le, gizyawz 85 ranz gungh 131 vunz camgya cizveidui caeuq hungzginh, ndawde miz 69 vunz hwnj baihbaek bae daengz Gyanghsih, gonqlaeng miz 16 boux saumbauq maenhndei vih gwzming saehnieb bae vutmingh.

(Vangz Gozsun/黄国顺)