8 nyied 23 hauh, Vamaedlaeh Vwnzvacez youq gih raeuz Hwngz- yen gawjhengz. Cimz caz vamaed- laeh、youz suen vamaedlaeh Cunghvaz、ngonz vamaedlaeh vwnzyi yienjok daengj, yinx daihbuek canghbuenqcaz、hekyouz ndaw guek rog guek daeuj gizneix ra guh seng’eiq buenq cazva, gamjsouh vamaedlaeh vwnzva meiliz.

Hwngzyen geij bi gvaqdaeuj ndaem miz vamaedlaeh 10 fanh moux, bi sou ndaej vamaedlaeh 8 fanh dun, gai bae souhaeuj 8 ik maenz ngaenz; moix bi vamaedlaeh canjlieng caeuq cazva canjlieng ciemq daengx guek cungjlieng 80% doxhwnj, ciemq daengx seiqgyaiq cungjcanjlieng 60%. (Yi Sienghcenz/喻湘泉)