Geij ngoenz gonq, gou youq Lozyez Yen Dungzloz Cin Bwzlungz Cunh Mbanjcizfang(aen mbanj saujsu minzcuz comzyouq) yawjraen, geij ranz vunzmbanj saujsu minzcuz cingq youq bakmbanj bangxhenz geij aen saeuq de dawz mbawbatgak coq haeuj ndaw cauq hung bae, yenzlaiz gyoengqde cingq naengj youzbatgak. Ciuq vunz mbanj neix lwnh, gobatgak mboujdanh lwgmak baenz gai, mbaw nem ngeiq batgak moq hix ndaej gyagoeng baenz youzbatgak gai, gobatgak gaenq baenz“go faex laenq cienz”hawj nungzminz dangdieg laisou baenzfouq.

Ciuq cam rox, makbatgak bi ndaej sou song baez, aen cunh neix bi’gvaq batgak canjlieng daihgaiq miz 250 dun, youzbatgak canjlieng daihgaiq 300 goenggaen, batgak cungjcanjciz 260 fanh maenz; moix boux baengh batgak souhaeuj 2000 lai maenz. (Cinz Cinhveih/岑春徽)