Bonjbauq siusik(gicej Dangz Lungz/唐 龙) 8 nyied 21 daengz 22 hauh, daengx gih minz- cuzyangh yanghcangj beizyinbanh youq Nanzningz gawjhengz. Swcigih Minzveij cujyin Luz Yenbenj haeujlaeg youh sijsaeq dwk gangj le minzcuzyangh baenzlawz guh ndei hong minzcuz, de daj geij aen fuengmienh baihlaj neix daeuj gangj: Minzcuzyangh yanghcangj baenzlawz gaemdawz cienzmienh cingzgvang, baenzlawz roxyiuj minzcuzyangh gij yinvu goekgaen、cwngci gyaciz、gunghcoz muzbyauh, baenzlawz gyagiengz minzveij nem minz- cuzyangh doxgap guh hong. Swcigih Minzveij fucujyin Vangz Cigen、Couh Gen camgya hai ban yizsi, Couh Gen guh le“《Minzcuzyangh Hingzcwng Gunghcoz Diuzli》gej- doeg”nem“minzcuzyangh baenzlawz guh ndei gij hong yanghgingq gek 10 bi banh mbat de”. Swcigih Minzveij fusinzsiyenz Veiz Cigenh cujciz bae beizyin neix.

Baez beizyinbanh neix faen cuj lwnhyaeng gij genyi gvendaengz gaij dingh《Minzcuzyangh Hingzcwng Gunghcoz Diuzli》nem gij genyi gvendaengz minzcuzyangh gyavaiq fazcanj.

Swcigih Minzveij doenghboux ganbu fucugiz doxhwnj、daengx gih 59 aen minzcuzyangh yanghcangj (yangh dangjveij suhgi、fusuhgi roxnaeuz fuyanghcangj)、daengx gih gij si miz minzcuzyangh ndawde doenghboux minzveij cwngfazgoh gohcangj(roxnaeuz doenghboux lingj- dauj fucwz hong minzcuz cwngfaz)、daengx gih doenghboux minzcuzgiz gizcangj ndaw yienh(swciyen、si、gih) miz minzcuzyangh de gungh 130 lai boux camgya beizyin.