1、Cuk maklangz: Aeu 30 gwz maklangz, 30 gwz haeuxsan, di dangznae he.

Baek maklangz aeu raemx le dwk haeuxsan roengz cawj baenz cuksaw, cuk cug seiz dwk dangznae roengz, caiq cawj goenj yaep ndeu gwn, ngoenz gwn fuk ndeu, 3 ngoenz guh aen liuzcwngz ndeu, laebdaeb gwn aen daengz song aen liuzcwngz. Itbuen gwn 24 diemj cung le couh raen deh okdaeuj, doiq yw binghnauzcungz lwgnyez hix mizyauq.

2、Cuk rag gorenh: Aeu luep naeng hau rag gorenh 10 gwz( ndip cix 30 gwz), 30 gwz haeuxsan, di dangz- nae he.

Dawz luep rag naeng hau gorenh baek aeu raemx, dwk haeuxsan caeuq dangznae roengz itheij cawj cuk gwn, yawj gyoenqdeh cingzgvang gek 5 daengz 7 ngoenz caiq baek gwn baez ndeu.

3、Cuk vaceu: Aeu 5 daengz 10 gwz vaceu, 30 gwz haeuxsan. Ngenz vaceu baenz mwnh louz bwh yungh. Sien dwk haeuxsan cawj cuk, cuk cug seiz dwk mwnh vaceu roengz, caiq cawj goenj yaep ndeu gwn, ngoenz gwn baez daengz song baez.