Gyoijhom: Ndaw gyoijhom hamz miz daihliengh nyinzsei yungz youq ndaw raemx haenx, gwn de ndaej doeng haex. Boux haexndongj haexgaz mboujfuengz habdangq gwn di gyoijhom ndeu.

Makleiz: Daj yw baezhangx gakdoh daeuj gangj, makleiz caeuq gyoijhom doxlumj, hamz miz daihliengh nyinzsei ndaej yungz youq ndaw raemx haenx, danhseih de hamz miz daihliengh raemx, gwn de ndaej baujciz ok haex doengswnh.

Lwgndae: Lwgndae miz yawhfuengz baezhangx cozyung, doiq yawhfuengz haexgaz、haex- ndongj ok lwed yaugoj gig ndei. Linghvaih, lwgndae lij ndaej vanjgaij hezyaz sang caeuq doenghmeg giet ndongj cozyung.