Makyungz dwg cungj byaek- heu ciengz raen he, yingzyangj lai, hoeng gwn de hix miz gimqgeih bw.

Makyungz mbouj ndaej caeuq laeujhau doengzcaez gwn, gwn le aek mwnh、heiq dinj.

Makyungz mbouj ndaej caeuq lwgmaenz doengzcaez gwn, gwn le yungzheih baenz binghgietsig、rueg ok、dungx in、baenzsiq.

Makyungz mbouj ndaej caeuq lauxbaeg nding doengzcaez gwn, gwn le gij veizswnghsu C ndaw makyungz rox deng gij fwnh- gaijmeiz ndaw lauxbaeg nding buqvaih bae.

Makyungz mbouj ndaej caeuq daepmou doengzcaez gwn, aenvih daepmou rox hawj veizswnghsu C ndaw makyungz yangjva duet yangj, gij goengnaengz nyuenz dingj lwed soemjvaih haenx saet bae liux.

Makyungz mbouj ndaej caeuq byahamz doengzcaez gwn, gwn le rox canjseng gij doxgaiq baenzaiz okdaeuj.