□ 关仕京 李守汉 整理翻译
(ciep geizgonq)
12
Bazmoiz haibak riu 媒婆开口笑，
Cam Goengyiuz yawz yiengh 问姚公如何；
Baz naeuz daiq Daegciengh 她要带特丈③，
Mwngz siengj mbouj siengj aeu 是否想娶呢。
③特丈：是杨婆儿子的小名。“特”，是壮语“daeg”的音译词。“Daeg” 是对同辈或小辈男性青少年、少、幼年称呼的词头。“丈”是壮语“ciengh”的音译词，此作人名。
Sinhngeiz haibak naeuz 顺儿开口讲，
Boh gou aeu cix liux 我爹来定夺；
Bazmoiz haibak riu 媒婆开口笑，
Cam Goengyiuz yawz yiengh 问姚公如何。
Bazmoiz gangj ndaej doeng 媒婆讲通了，
Mwngz ngonz doengz yawz yiengh 你看又如何；
Baz naeuz daiq Daegciengh 她要带特丈，
Mwngz siengj mbouj siengj aeu 是否想娶呢。
13
Bazmoiz gangj ngamq dingz 媒婆刚停嘴，
Goengyiuz sim vuenheij 姚公心欢喜；
Daiq Daegciengh hix ndaej 带特丈也行，
Hix goj seih lwg raeuz 也是咱儿子。
Ngonz yienghsiengq hix ndaej 看人相貌好，
Gangj dauhleix hix mingz 也明白道理；
Bazmoiz gangj ngamq dingz 媒婆刚停嘴，
Goengyiuz sim vuenheij 姚公心欢喜。
Bazmoiz dingq naeuz neix 媒婆听这话，
Couh buet bae bauqheij 就跑去报喜；
Daiq Daegciengh hix ndaej 带特丈也行，
Hix goj seih lwg raeuz 也是咱儿子。
14
Ra ngoenzndei seizleih 选吉日良辰，
Coux ma leix gyaranz 娶回理家产；
Mbouj ndaej geijlai nanz 没得几多久，
Baz couh fan simsaeh 她就把心翻。
Song vunz gangj ndaej baenz 两人讲妥当，
Goengyiuz sim vuenheij 姚公喜洋洋；
Ra ngoenzndei seizleih 选吉日良辰，
Coux ma leix gyaranz 娶回理家产。
Goengyiuz guh seng’eiq 姚公做生意，
Ok rog bae liz ranz 外出回家难；
Mbouj ndaej geijlai nanz 没得几多久，
Baz couh fan simsaeh 她就把心翻。
15
Daeuj ndaej song bi lingz 来得两年多，
Hengz doegsim doiqdaih 行毒心对待；
Cakak caen leixhaih 作恶真够狠，
Couh ra haih Sinhngeiz 把顺儿来害。
Sinhngeiz caen hojgyoh 顺儿太可怜，
Seiqseiz ndoj mehlaeng 躲后娘谋害；
Daeuj ndaej song bi lingz 来得两年多，
Hengz doegsim doiqdaih 行毒心对待。
Siengj Daegciengh gwnfaenh 想让儿独占，
Baz guh haenq dahraix 她专门做坏；
Cakak caen leixhaih 作恶真够狠，
Couh ra haih Sinhngeiz 把顺儿来害。
16
Mboujlwnh noh caeuq bya 无论鱼或肉，
Cungj aeu ma Daegciengh 总拿给特丈；
Sinhngeiz gaejyungh siengj 顺儿别想要，
Youq henzmbiengj ngonz ndwi 在旁白看样。
Daegciengh gwn bya’ndoek 特丈得吃鱼，
Sinhngeiz doek raemxda 顺儿眼泪淌；
Mboujlwnh noh caeuq bya 无论鱼或肉，
Cungj aeu ma Daegciengh 总拿给特丈。
Mboujlwnh buh caeuq vaq 无论衣或裤，
Cungj cawx ma Daegciengh 总买给特丈；
Sinhngeiz gaejyungh siengj 顺儿别想要，
Youq henzmbiengj ngonz ndwi 在旁白看样。
17
Daegciengh ndaej gwn noh 特丈得吃肉，
Sinhngeiz gyoh dangq ma 顺儿卑似狗；
Daegciengh ndaej gwn ga 特丈吃鸡腿，
Sinhngeiz ra gwn ndok 顺儿吃骨头。
Sinhngeiz ndi ndaej gwn 顺儿不得吃，
Vunz raen vunz cungj gyoh 谁见谁怜够；
Daegciengh ndaej gwn noh 特丈得吃肉，
Sinhngeiz gyoh dangq ma 顺儿卑似狗。
Buzyiengz dawz sim bienq 杨婆变良心，
Sinhngeiz cienh dangq ma 顺儿贱如狗；
Daegciengh ndaej gwn ga 特丈吃鸡腿，
Sinhngeiz ra gwn ndok 顺儿吃骨头。
18
Doiq Daegciengh ndei lai 对特丈多好，
Ndaej daenj haiz daenj mad 给穿鞋穿袜；
Sinhngeiz buh vaihvad 顺儿衣褴褛，
Doek baenz bat raemxda 眼泪成盆下。
Sinhngeiz daj lohdin 顺儿打赤脚，
Cungj mbouj rin (raen) gouhhaiz 无鞋身邋遢；
Doiq Daegciengh ndei lai 对特丈多好，
Ndaej daenj haiz daenj mad 给穿鞋穿袜。
Vunz da ngonz goj raen 人们可看见，
Buzyiengz sim doeglad 杨婆心毒辣；
Sinhngeiz buh vaihvad 顺儿衣褴褛，
Doek baenz bat raemxda 眼泪成盆下。
19
Buzyiengz sim rwix lai 杨婆心太毒，
Siengj haih dai Sinhngeiz 想把顺儿害；
Eu bae sou lwgleiz 叫去收梨果，
Cang coegcei baihlaj 竹尖树下埋。
Lajgoek cang coegcei 树下装竹尖，
Muengh Sinhngeiz daeuj caij 盼顺儿来踩；
Buzyiengz sim rwix lai 杨婆心太毒，
Siengj haih dai Sinhngeiz 想把顺儿害。
Vat congh youq lajgoek 在树下挖坑，
Aeu rum moek gvaqbae 上面草覆盖；
Eu bae sou lwgleiz 叫去收梨果，
Cang coegcei baihlaj 竹尖树下埋。
20
Gag cang youh gag caij 自装又自踩，
Lwed baenz gaiq lajdin 脚下血成块；
Sinhngeiz sim cix in 顺儿见心疼，
Couh cienj din bae gouq 就把娘救开。
Buzyiengz sim mbouj ndei 杨婆心不好，
Dawz Sinhngeiz daeuj haih 把顺儿来害；
Gag cang youh gag caij 自装又自踩，
Lwed baenz gaiq lajdin 脚下血成块。
Buzyiengz guh cangcoeg 杨婆装竹尖，
Bonjfaenh deng nyoeg din 自把本人害；
Sinhngeiz sim cix in 顺儿见心疼，
Couh cienj din bae gouq 就把娘救开。
(caengz sat)
缩小
默认
