Yaek gwn haeux seiz gaej hawj nyeznomj guh yindung haenq lai. Siuj hawj de gwn gijgwn youz caq, cawj byaek aeu caenhliengh dwk gyu cit di, caemhcaiq haeujsim saek、rang、feih yienghyiengh miz. Gij nyeznomj gwn huqgyoet、yinjliu gyoet le baenz dungx in oksiq seiz, aeu hawj de bouj gwn di gijgwn raeuj ndeu, bizyau seiz, hawj de gwn di raemxhing dangz he. Hableix boujcung danbwzciz, gwnndoet aeu veiswngh. Gijgwn aeu singjsien mbouj- miz mwtnaeuh, gwnndoet dinghseiz dinghliengh. Geih gwn huqndip huqgyoet. Mbouj hab youq seizhah roxnaeuz mwh nyeznomj baenzbingh seiz duenh cij. Linghvaih, demgya gijgwn binjcungj mbouj hab daiq lai, hix gaej ciengzseiz vuenh bae vuenh dauq, hableix hawj de gwn di lwgmak ndeu, moix ngoenz hawj de gwn 2 aen makyungz, couh ndaej muenxcuk aenndang de doiq veizswnghsu C caeuq gvangvuzciz sihyau.