7 nyied 25 hauh, “Lungzdanz miz fwen eu hwnjdaeuj-Liujcouh Si Dalungzdanz Segih daihsam gaiq minzcuz doxgiet doenghgij fwen gwnz vangjloz doxdax haidoengh yizsi”youq Dalungzdanz Gunghyenz gawjhengz, baez doxdax neix youz Liujcouh Si Minzveij、Liujcouh Si Gohhez cawjbanh, Yizfungh Gih Minzcuzgiz、Yizfunghgih Vwnzdijgiz、Denhmaj Gaihdau Banswcu、Lungzdanz Gunghyenz Gvanjlijcu、Dalungzdanz Segih、Liujcouh Yinhyoz Vangj ciepbanh. Baez doxdax neix daj 7 nyied 25 hauh daengz 10 nyied 25 hauh.

Gij hingzsik baez doxdax neix dwg youq Liujcouh Yinhyoz Vangj Beksingq Lundanz gaiq dieg“Bae Hawfwen” hai giz diep(duenh vah lumj mbaw diep nem youq gwnz vangzloz de) cienmonz ndeu heuh- guh“Dalungzdanz Segih Vangjloz Eu Fwen Doxdax”, doenghboux camgya doxdax de ciuq gij cawjdaez seizneix, aeu eu fwen cungj hingzsik neix daeuj fatdiep、riengz- diep、hwng diep、hoengh diep. Doenghboux camgya doxdax de mbouj guenj seiz lawz cungj ndaej hwnj vangj baez fatdiep.

(Yenz Cunzyinh/颜纯欣)