●8 nyied 2 hauh, Sanhgyangh Dungcuz Swciyen youq Minzcuz Dohyeh Gvangjcangz gawjbanh 2014 nienz gauhyau bizyezswngh ciuyez“song baih doxsenj”hozdung. Ngoengzde gungh miz 38 aen danhvei camgya, daezhawj 214 aen gangjvei, 700 lai vunz camgya.

(Gunj Yicungh)

●Ceiqgaenh, Dava Yauzcuz Swciyen gietdingh youz aen yienh neix Luzyej Yangh Cungsim Siujyoz bwh hong saedhengz swnjcienz minzcuz vwnzva hagdangz daej- niemh giva, dajsuenq dawz doenghgij minzcuz conzdungj dijyuz hanghmoeg nyingznaq、dwkgyangq、dwkcik、ringx gengxdieg、aemqbax ciep aendomq nem foux aennyenz、foux faexsaux Yauzcuz yinxhaeuj ndaw hagdangz.

(Vangz Vwnzboh)

●7 nyied 30 hauh, Cunghgoz Yinzsou Baujyenj Cizdonz soengq 175 fanh baujyenj simgyaez hawj doenghboux vunz henzguek ndaw Lungzcouh Yen Suijgouj Cin、Yadung Cin、Binhgyauz Yangh、Ginhlungz Cin、Vujdwz Yangh. Soengq gij baujyenj neix le hawj Lungzcouh Yen 5 aen yanghcin youq henzguek 3 goengleix dauqndaw de 32786 vunz souh’ik.

(Lungz Yenyingh)

●Bi’gvaq Gvanyangz Yen Sihsanh Yauzcuz Yangh ginghci fazcanj gig lai, daengx yangh sevei cungjcanjciz 2.5 ik maenz, doengzbeij gyalai 15.8%, deih- fueng caizcwng souhaeuj 322.3 fanh maenz, sevei guding roengzcienz guh sat 2.7 ik maenz, doengzbeij gyalai 14.8%, nungzminz bingzyaenz moix boux souhaeuj 3720, gyalai 10%.

(Yangz Hihyinz)

●Duenh gonq, Liujcwngz Yen ndaw yienh 20 lai fanh moux haeuxnaz caeux gaenq laebdaeb baenz lo. Youq Liujcwngz Yen Gujcai Mulaujcuz Yangh haeuxgwn dajndaem gihdi, dangdieg nungz- minz leihyungh mbwn ndei, sou haeuxnaz caeux, ndaem haeuxlaeng.

(Dwng Gwzyi)