Bonjbauq siusik (gicej Veiz Yennaz/韦愿娜) 8 nyied 2 hauh lajbyonghngoenz, Gvangjsih 2014 nienz Vahcuengh Swcuengh suij- bingz gaujsi faenbied youq Nanz- ningz、Cungzcoj song aen si gawjhengz, gungh miz 405 boux gaujseng camgya gaujsi. Nanzningz Si gaujdenj miz 313 boux gaujseng gaujsi. Doenghboux gaujseng miz guekgya gunghvuyenz、swyez danhvei boux guenjleix、boux conhyez gisuz, boux lauxsae da cunghconh hagdangz、 youwzyenz, boux daihhagseng youq hag、giyez cizgungh、boux gihminz ndawsingz lajmbanj、boux swyouz cizyez daengj. Baez gaujsi neix, camgya gaujsi vunzsoq ceiq lai, minzcuz cwngzfwn hix ceiq lai, miz Bouxcuengh、Bouxgun、Yauzcuz、Myauzcuz、Mulaujcuz、Mauznanzcuz、Cauzsenj- cuz、Mungzgujcuz daengj. Gaujseng Bouxcuengh ciemq 91%. Swcigih Minzyijveij fucujyin Yangj Gijbyauh、Nanzningz Si Yinzminz Cwngfuj fumisuhcangj Hij Gyangzcuh cunz- yawj le Nanzningz Si gaujdenj. Ndaw doz dwg Nanzningz Si gaujdenj gaujsi yienhciengz.