●7 nyied 24 hauh,“Swhyenz Yen Hozdwngh(daeng ndaw dah) Minzsuz Vwnzva Hezvei”venj baiz laebbaenz. Neix couhdwg naeuz aen yienh neix guh gij hong swnjcienz、vatgud nem henhoh vwnzva minzcuz, neix hawj gij binjbaiz vwnzva minzcuz hoengh le youh yamq hwnj mbaek moq ndeu.

(Dangz Siyouj)

●7 nyied 26 hauh, Yungzanh Yen Cangzanh Vwnzcangz Yinhyoz Sahlungz Ciyen Fuzvudui daengz“Cangzanh Sanghvei Ginjbyauh Yisuzdonz”hozdung cungsim guh“dawz heiq haeuj hagdangz, hungz- yangz vwnzva conzdungj”hozdung, hawj gyoengq nyez daj iq couh roxyiuj gij vwnzva conzdungj guek raeuz, hawj gij yisuz ndawbiengz yaek laemz de ndaej swnjcienz.

(Veiz Cujswz)

●7 nyied 26 hauh dwg Nanzdanh Yen ciet bi iq doenghboux Bwzguyauz de. Ngoenzde, Lijhuz Yauzcuz Yangh Mbanjvangzsang gyoengqvunz Bwzguyauz baijyienj le couxhek nyingzcungq gingqlaeuj、cauxguh ndangdaenj Bwzguyauz、minzsuz funghcingz、congzngaiz raez daengj. Baez ciet neix dazyinx le haujlai hek daj Bwzging、Gvangjcouh、Sinhcin daeuj.

(Fuz Lungzgyangz)

●7 nyied 26 hauh, Sanhgyangh Dungcuz Swciyen Gauhgih Yauzcuz Yangh gawjbanh“bak boux ingjsiengq haeuj mbanjranz Yauzcuz”hozdung, cujciz cangh’ingjsiengq、gicej daengj haeuj aen yangh neix Lungzdanz Gingjgih daejniemh nem geiqaeu mbanjranz Yauzcuz gij yienghsiengq ndoeng faexcuk、raemxdiuqdat、bya gyaeu raemx ndei、funghcingz gag miz daengj.

(Gungh Bujgangh)

●7 nyied 20 hauh, youq Yungzsuij Myauzcuz Swciyen Aen- venzgim Gvangjcangz, aen yienh neix gawjhengz lwgnyez mozdwz doxdax, dazyinx le 40 lai boux mozdwz lwgnyez daeuj doxdax, boux ceiq iq cij miz 4 bi. Gyoengq nyez neix doenggvaq baijok ndangdaenj minz- cuz、baijyienj vwnzyi、byaij daiz daengj, baijok gij yienghsiengq ndei mozdwz lwgnyez de.

(Liu Cwjyenh)