Baenz diuz baenz diuz roensuijniz doeng cunh haeuj mbanj, baenz aen baenz aen canjyez haeuj ranz Yauzcuz——seizndat, Sangswh Yen Nanzbingz Yauzcuz Yangh hix gig“ndat”, miz 170 lai aen fuzbinz hanghmoeg roengzngaenz gyawj 2 ik maenz de, cingq guh ndaej“hoengh”raixcaix.

“Daj bi’gvaq daeuj, dou youq Nanzbingz Yauzcuz Yangh saed- hengz le 172 aen gihcuj sezsih hanghmoeg, roengz cienz 1.9 ik. Dangqnaj gaenq guh sat roengzngaenz 7353 ik maenz.”Boux yencangj Bungz Gingjdungh lwnh naeuz.

7 nyied 9 hauh, gou youq ndaw yangh neix yawj raen, diuz roensuijniz daj Dinghcauz daengz Gyauzgung de gaenq guh baenz lo, diuz neix roengzngaenz 900 lai fanh maenz, gij roensuijniz daj Nanzbingz daengz Bahnaij、Guhgyau daengz Cangzlungz、 Nanzbingz daengz Gyanghboh daengj cingq nyaengq hwnjguh. Bineix aen yangh neix yaek guh daengz“mbanj mbanj doeng roensuijniz”, linghvaih miz buek hanghmoeg guh cwngzcin gensez、gaijguh ranzyiemj、suijli、gyauyuz、yihliuz veiswngh daengj hix gaenq guh sat lo. (Liengz Fuyingz/梁富盈)