Bonjbauq siusik (gicej Suh Gyahgvai/苏加快) 7 nyied 26 hauh banhaet, youz Cunghvaz Vwnzva Cuzcinvei、Gvangjsih Bouxcuengh Swcigih Vwnzvadingh cawjbanh、Cunghyangh Densidaiz Denyingj Binzdau caeuq Cunghvaz Vwnzva Cuzcinvei lienzhab caez ingj bouh denyingj 《Buh Bwn Roeg》haidoengh yizsi youq Gvangjsih Minzcuz Bozvuzgvanj gawjhengz.

Bouh《Buh Bwn Roeg》denyingj neix dwg cit goj Bouxcuengh guhyoux riuzcienz youq ranghdieg Guengjsae raeuz Hwngzyen, dwg bouh daibyauj cozbinj boux cozgyah okmingz Bouxcuengh Veiz Gizlinz sij okdaeuj. Youq aen yizsi haidoengh neix gaxgonq, gaenq ndaej baiz baenz heiqgofoux youq ndaw guek cunz yienj gvaq, caemhcaiq hoiz baenz 30 lai cungj sawcih oksaw fathengz bae daengz 30 lai aen guekgya, yingj- yangj gig hung, doiq gih raeuz ranghdieg baihnamz yingjyangj hix gig daih, caemhcaiq doiq Cungguek dangdaih vwnzyoz fazcanj miz yingjyangj hungraeuh, daengz- laeng ndaej senj haeuj diuz mingz- loeg Cunghgoz Feihvuzciz Vwnzva Yizcanj ndawde bae.

Bouh denyingj 《Buh Bwn Roeg》giva youq 2015 nienz 5 nyied bae daengz gih raeuz Hwngzyen gawjhengz bekingj yizsi, geizgonq hong bekingj yaek youq bi 2015 nienzdaej ingj sat, doeklaeng yamq- haeuj geizlaeng raedciep、baucang、habbaenz gaiduenh, gujgeiq daengz bi 2016 nienzdaej, youq Namzningz baeznduj cuengqingj hawj vunzlai ngonzyawj, riengzdaeuj doq cuengq- ingj hawj daengxbiengz vunzlai ngonzyawj.

(Ndaw doz dwg denyingj 《Buh Bwn Roeg》haidoengh yizsi aen yienhciengz haidoengh seiz)