Bineix、bilaeng, Mungzsanh Yen Cangzbingz Yauzcuz Yangh、Yayiz Yauzcuz Yangh faenbied laebbaenz 30 hopbi. Vih guh ndei yanghging, Mungzsanh Yen Minzcuzgiz dawz gij hong bwh guh yanghging de dangguh bineix yiengh hong naek ndeu, comz rengz doihaeuj hong bwh yanghging song aen yangh Yauzcuz neix.

It dwg candei cujciz lingjdauj, cienzmienh anbaiz. Aen yienh neix youq bi’gvaq 6 nyied laeb le lingjdauj siujcuj, neix hawj ndaw yangh guh ndei yanghging daezhawj cujciz baujcang gig miz rengz. Ngeih dwg dawz fangh- an guh ndaej gig sijsaeq, dingh ndei cawjdaez, faen hong daengz giz, gak boux gag guh ndei hong bonjfaenh. Sam dwg ca doiq cungdenj guh senhconz. Seiq dwg caen rengz guh hanghmoeg. Aen yienh neix gungh cingjleix ok yanghging hanghmoeg 24 aen, gungh roengzngaenz 6530 fanh maenz.

Dangqnaj, gaenq miz 9 aen hanghmoeg guh sat lo, gij hanghmoeg wnq ne cienzngaenz cingq laebdaeb roengz daengz caemhcaiq haigoeng lo.

(Yauz Vanlingz/姚焕玲 Luz Yungjfangh/陆永芳)