●Gaenh bi daeuj, Yungzsuij Myauzcuz Swciyen doenggvaq lai cungj banhfap, sonyinx vunzmbanj sawq ndaem gij makit maenhndei bi sou song miuz de 500 lai moux, moux ndaej 3000 lai goenggaen, dan yiengh neix moux souhaeuj 3 fanh lai maenz, baenz le aen canjyez daeuz dazyinx nungzminz laisou baenzfouq.

(Lungz Linzci)

●Bi’gvaq 6 nyied daengz bineix 6 nyied, Duh’anh Yauzcuz Swciyen gungh roengzngaenz 14.3 ik maenz guh gij hanghmoeg yienhgingq youqgaenj, saedhengz guh roen lajmbanj、haifat daegsaek lijyouz canjyez daengj 45 aen hanghmoeg yienhgingq youqgaenj, guh sat yinvu 16%.

(Lanz Fuzgvanh Veiz Ganliuz)

●Vih hawj nungzminz gyalai souhaeuj, guh hung guh ak daegsaek canjyez, 7 nyied 16 hauh, Gunghcwngz Yauzcuz Swciyen Fuzbinzban cujciz lauxhangz youq Gvanhyinh Yangh gawjbanh noufaexcuk dajciengx gisuz beiz- yinbanh, dap aen bingzdaiz hawj nungzminz“doxson、doxcoengh、doxdaiq”, aen yangh neix 50 lai hohdajciengx camgya beizyin.

(Cwng Ciminj)

●Bineix, Lozcwngz Mulaujcuz Swciyen laebbaenz 30 hopbi, vih engq ndei baijok gij doenghyiengh nem yienghsiengq maenhndei caeuq gij vwnzva minzcuz mbanj- ranz Mulaujcuz, 7 nyied 16 hauh, ben senhconz lijyouz heuhguh《Mulauj Geizheih Lozcwngz Gyaeundei》youq Siujcangzanh Cin Sanghhoz Cunh cingqsik ingjguh lo, ben neix baijok gij yienghsiengq lijyouz mbanjranz Mulaujcuz, hawj ndawbiengz lai rox Lozcwngz, vih yienhgingq 30 hopbi soengqlaex.

(Mungz Cwnghswh)

●Daj 2014 nienz daeuj, Bingzgoj Yen gungh gawjbanh gak loih nungzyez gohgi beizyinbanh 212 geiz, cungdenj son saujsu minzcuz nungzminz hag gohyoz vwnzva cihsiz, beizyangj bouxdaeuz sifan baengh gohgi baenzfouq; soengq 0.3 fanh bonj saw gohgi hawj nungzminz.

(Vuz Anhginh)