Bineix, Cungzcoj Si dwg aen si sawqdiemj guh Gvangjsih Vahcuengh Sawcuengh Suijbingz Gaujsi ndeu. Vih hawj doenghboux gaujswngh daezsang Sawcuengh cihsiz suijbingz nem gaujsi naengzlig, 7 nyied 10 daengz 12 hauh, Cungzcoj Si Minzveij、Minzyijveij youq Cungzcoj Siveij Dangjyau gawjbanh 2014 nienz Cungzcoj Si Sawcuengh cihsiz beizyinbanh, cingj doengh- boux lauxhangz Sawcuengh daj Swcigih Minzyijveij、Gvangjsih Sawcuengh Yozyau、 Gvangjsih Sam Nyied Sam Cazcise daeuj hwnjdangz. Daengx si daihgaiq gungh miz 100 vunz daeuj camgya 3 ngoenz beizyin neix, gyoengqde dwg doenghboux bauqmingz camgya Vahcuengh Sawcuengh Suijbingz Gaujsi、 yezvu guzgan gak yienh(si、gih) minzyijban(giz)、daengxcungq gan- bu si minzyijveij.

Baez neix beizyin neiyungz dwg gangj gij cingzgvang guek raeuz fazcanj vah saw minzcuz nem gij hong vah saw minzcuz gih raeuz、son Sawcuengh gihcuj cihsiz caeuq gangj gij saeh aeu haeujsim gvendaengz Vahcuengh Sawcuengh Suijbingz Gaujsi daengj.

(Dwng Haijcouh/邓海周 Liuz Ginh/刘 军)