(ciep geizgonq)
17
Liuhleix sou cixbah 料理好你们，
Dawz gou ndaq guhcaemz 骂我当耍玩；
Guhhong ngoenz youh ngoenz 一天天做工，
Caenh gwn haemz gwn hoj 吃尽酸苦餐。
Daem gou dangq daem gau 冲我像舂糕，
Hwnzngoenz lau goengyah 怕公婆刁难；
Liuhleix sou cixbah 料理好你们，
Dawz gou ndaq guhcaemz 骂我当耍玩。
Ndek goengrengz mbouj dij 费劳力不值，
Laemxsim vih ranz mwngz 铁心为家产；
Guhhong ngoenz youh ngoenz 天天要做工，
Caenh gwn haemz gwn hoj 吃尽酸苦餐。
18
Guhhong gou nyinhcaen 我辛勤干活，
Mbwn ndit fwn mbouj youq 晴雨天都去；
Haq daeuj guh bawx sou 嫁当你们媳，
Vah cungj mbouj lai coenz 话不多一句。
Feiq goengrengz ndek ndwi 白耗费劳力，
Mingh gou rwix ienq mbwn 命苦怨天地；
Guhhong gou nyinhcaen 我辛勤干活，
Ndit fwn cungj mbouj youq 晴雨天都去。
Guhhong dij dungx iek 饿肚子劳动，
Haih ndang nyieg duhgou 害自己身体；
Haq daeuj guh bawx sou 嫁当你们媳，
Vah cungj mbouj lai coenz 话不多一句。
19
Dingmaux nienz bi’gvaq 去年丁卯年，
Cix gangjvah cang gyaj 讲假话胡作；
Lienz hwnz soengq gou ma 送我回娘家，
Famh gijmaz coihyak 犯有何罪过。
Dingjgiengx naeuz mbouj aeu 强硬逼走我，
Byawz loek sou goengyah 谁错你公婆；
Dingmaux nienz bi’gvaq 去年丁卯年，
Cix gangjvah cang gyaj 讲假话胡作。
Song mbiengj daeuj lwnhleix 双方来论理，
Gou seih loek gijmaz 我哪里有错；
Lienz hwnz soengq gou ma 送我回娘家，
Famh gijmaz coihyak 犯有何罪过。
20
Ndwen bet meh gou bae 我妈八月来，
Song mbiengj caez yen vah 双方说清楚；
Sou dangnaj gangj gvaq 你们当面讲，
Gou miz maz daekcoih 我得罪何处。
Vah sou gangj cingcuj 你们话讲明，
Yiemz gou hoj ndek maex 嫌我就弃妇；
Ndwen bet meh gou bae 我妈八月来，
Song mbiengj caez yen vah 双方说清楚。
Mboujcaengz ndaej song ngoenz 还未到两天，
Youh dauq daengz vet ndaq 又骂更恶毒；
Sou dangnaj gangj gvaq 你们当面讲，
Gou miz maz daekcoih 我得罪何处。
21
Doiqnaj sou yahgoeng 当着公婆面，
Gou mbouj loeng coenzhauq 我贤孝没错；
Vet bae youh vat dauq骂去又骂来，
Duhgou cauh maz coih 我造何罪恶。
Sou doiq gou yienghneix 你这样对我，
Ndaw Mbanjleix raen daengz 李村见得多；
Doiqnaj sou yahgoeng 当着公婆面，
Gou mbouj loeng coenzhauq 我贤孝没错。
Cungq beixnuengx caez raen 众兄弟都见，
Mbouj gwngaemz gwnlaux 不大吃大喝；
Vet bae youh vat dauq 骂来又骂去，
Duhgou cauh maz coih 我造何罪恶。
22
Cieng coit ngoenzhaenx 正月初一天，
Dawz gou caenh ok dou 把我赶出门；
Gyaep gou dangq ma mou 赶我如猪狗，
Dingh bik gou bieksanq 定逼我散婚。
Beghag bienq gungqsou 白鹤变蛤蟆，
Caenh duzmou roengz raemx 赶猪下水盆；
Cing coit ngoenzhaenx 正月初一天，
Dawz gou caenh ok dou 把我赶出门。
Moeb dangq vaiz dangq max 打我如牛马，
Caenh siengj gaj mbouj louz 想杀不留人；
Gyaep gou dangq ma mou 赶我如猪狗，
Dingh bik gou bieksanq 定逼我散婚。
23
Cienz aeu vah daeuj hwk 全讲恐吓话，
Dangq ndi dwg bawx de 不像他媳妇；
Ngonz gou dangq nyaqgve 看我像瓜渣，
Dangq yiemq de haeux fanh 像欠万斤谷。
Yamq din haeuj ranz sou 迈进你们家，
Mbouj dwg gou guh loek 不是我错误；
Cienz aeu vah daeuj hwk 全讲恐吓话，
Dangq ndi dwg bawx de 不像他媳妇。
Sou bae cam vunzmbanj 你们问村人，
Gou mbouj famh deng de 敬公婆伯叔；
Ngonz gou dangq nyaqgve 看我像瓜渣，
Dangq yiemq de haeux fanh 像欠万斤谷。
24
Daj aeu gou haeujdaeuj 自娶我进门，
Gou cix souj ranz sou 我全力为家；
Dingq gyauq youh dingq naeuz 恭敬听教诲，
Lij naeuz gou mbouj dwg 还讲我太差。
Heuh soengq gou baema 押送我回去，
Famh gijmaz saeh raeuh 冒犯什么法；
Daj aeu gou haeujdaeuj 自娶我进来，
Gou cix souj ranz sou 我全力为家。
Lwnh hongnaz hongreih 无论田地活，
Gou gag bae faenh gou 我自己犁耙；
Dingq gyauq youh dingq naeuz 恭敬听教诲，
Lij naeuz gou mbouj dwg 还讲我太差。
25
Caenh gou ok dou bae 赶我出门去，
Naeuz mbouj ndaej dauqma 不得返回屋；
Dauqdaej vih gijmaz 到底为什么，
Cingj sou caz cingcuj 请调查清楚。
Gaxgonq laihdai aeu 先前赖死要，
Seizneix naeuz mbouj ndei 现说无是处；
Caenh gou ok dou bae 赶我出门去，
Naeuz mbouj ndaej dauqma 不得返回屋。
Gonq gou ndei rox mbouj 我原先好不，
Sou miz bouxlawz caz 问父老亲属；
Dauqdaej vih gijmaz 到底为什么，
Cingj sou caz cingcuj 请调查清楚。
(caengz sat)
缩小
默认
