Seizhah nyungz lai, ndaw rug cuengq maz doxgaiq ndaej gyaep nyungz ne? Lajneix gaisau geij cungj fuengfap gyaep nyungz:

1、Hai fa geij hab funghyouzcingh、cinghliengzyouz cuengq ndaw rug, roxnaeuz led di byaekhomnyaeuq he hwnj gwnz bangxciengz bae.

2、Faet di yanghsuij he hwnj gwnzndang roxnaeuz gyaeujswiz bae.

3、Youq batva ndaw ranz ndaem go daengz song go makyungz, mbaw makyungz fat ok cungj heiq he ndaej gyaep nyungz deuz.

4、Youq laj daeng venj gaem coenghom ndeu, roxnaeuz aeu daehsa cang geij dug coeng venj laj daeng, gak cungj non nyouq daengz gij feih neix le gag rox mbin deuz.

5、Aeu ceijbohliz saeknding roxnaeuz baengzcouz nding sup haeuj daengbau bae, duznyungz ceiq lau cungj rongh saeknding neix.