It aeu lai gwn raemx. Riengzdwk mbwn ciemh ngoenz ciemh ndat, vunz ok hanh lai le lwed bienq gwd bienq niu, lwed ndaw ndang hix lae menh lo, cujciz aenndang sup haeuj heiqyangj caeuq yingzyangj hix siengdoiq gemjsiuj lo. Mbangj vunzbingh okyienh uk ciengq、seiq genga mazmwnh、aek mwnh heiq dinj daengj yienghsiengq, neix couh dwg sim uk daep daengj noix heiqyangj noix lwed lo. Lai gwn raemx gawq ndaej bouj raemx hawj aenndang, caemhcaiq ndaej heuz lwed saw, gemj- mbaeu fudanh simdaeuz, doengzseiz youh ndaej yawh- fuengz uk saek lwed. Ngoenz- naengz lai gwn di caz、raemx he, daegbied dwg gwn caz vagimngaenz、caz vagut, gawq ndaej siu hwngq gej hozhawq, youh ndaej dingj bingh siu in dem.

Ngeih aeu diuzcingj yw. Aenvih seizhah mbwn ndat, sailwed biujmienh aenndang mbe ok, hezyaz beij bingzseiz daemq, ndigah gwn yw aeu gwn noix di, senj gwn gij yw gyangq hezyaz ywyauq haemq raez haenx. Linghvaih, aenvih deng mbwn ndat yingjyangj, boux- laux itbuen ninz mbouj ndaek, gyanghwnz hezyaz swng sang, sailwed sim uk gyanaek, dingzlai vunzbingh rox youq gyanghwnz raemhrwnh fatbingh. Ndigah, aeu haeujsim daezsang haeujninz cizlieng, bizyau seiz gwn di ywcoininz ndeu.

Sam aeu guhhong caeuq yietnaiq doxgiethab. Seizhah banringz mbwn ceiq ndat, gaej ok rog bae hozdung, mboujnex mboujdanh yungzheih baenz fatsa, caemhcaiq rox yaeuhfat sailwed sim uk baenzbingh dem. Wng senj youq gyanghaet okbae lienhndang, danhseih gaej guh yindung haenq.