Vunz baez deng ma haeb sieng roxnaeuz nyauj sieng naengnoh le, ndang vunz geizgonq ciengz raen loq ndat、naetnaiq、gyaeuj in、daengx ndang mbouj cwxcaih, lumjbaenz dwgliengz、sim fanz mbouj onj daengj; geizgyang fatangq youqgaenj, ciengz dwg lau raemx lau rumz, mwh raen raemx、 dingqnyi raemx lae、gwn raemx seiz noh conghhoz sousuk youqgaenj; danghnaeuz yw mbouj ndei, haeuj daengz geizmazmwnh seiz bouxvunz okyienh maezgae、daengx ndang deng gyad, youqgaenj seiz diemheiq sinhoj、sinzvanz hidungj hawnyieg caemhcaiq dai vunz.

Canghyw naeuz, danghnaeuz deng ma haeb sieng roxnaeuz nyauj sieng, aeu sikhaek yungh 20% raemxgenj fanfoek swiq baksieng, caenhliengh siucawz raemxmyaiz duzma, nyaenj lwed uq ok seuq, yungh 2% denjciiuj roxnaeuz 75% ciujcingh led baksieng, caemhcaiq sikhaek bae fangzyizcan ciepcungj gvangzgenj yizmyauz.