Danghnaeuz mbouj siuj- sim deng coemhsieng, mwngz ciengeiz gaej dandog gwn raemxgoenj. Ciuq baudauj, itbuen daeuj gangj, boux deng coemhsieng youqgaenj seiz ciengz gamjdaengz bak sauj linx hawq, neix dwg aenvih naengnoh deng coemhsieng gvaengh hung he le, raemx ndaw ndang daj baksieng iemq okdaeuj, hezyaz doekdaemq, raemx ndaw ndang sied bae lai. Bak hawqsauj youqgaenj, gangjmingz giz sieng couh yied naek. Danghnaeuz dandog hawj de gwn raemxgoenj, gojnwngz rox yinxhwnj gij nungzdu luzvanaz ndaw lwed caenh- itbouh doekdaemq, yinx baenz uk foegraemx roxnaeuz bwt gawh, youqgaenj seiz seng- mingh miz yungyiemj. Yienz- naeuz mbouj ndaej dandog gwn raemxgoenj, hoeng, ndaej gwn di yinjliu hamz miz gyu he, couhdwg moix 1000 hauzswngh raemx dwk 3 gwz gyu、1.5 gwz siujsuhdaj roengzbae.