Moix bi ciet nguxnyied co’ngux, hix dwg aen “cietbauqva” conzdungj Nazboh Yen Lungzhoz Yangh. “Cietbauqva” conzdungj Lungzhoz Yangh dwg aen hawmiuh ndeu. Guh hozdung ngoengzde, banhaet, gyoengq ginzcung ram giuhlungz caeuq 5 aen ranzbauqva, bae youz mbanj youz gai, gyoengqvunz cuengq bauq angqcoux ranzbauq, coemh yieng caeq ranzbauq, gouz baujyouh bingzan. Banringzgvaq, cij guh foux saeceij ciengj bauqva hozdung. Cuengq bauqva faen baenz 5 baez cuengq, moix baez daibyauj gij hamzeiq cungj mbouj doxdoengz, boux ciengj ndaej aen doxgaiq gitleih ndaw bauqva haenx, mboujdanh ndaej ciengj ngaenz, caemh siengcwngh ngoenzlaeng vuenyungz gitleih、saehsaeh swnhsim.

（Bwzswz）