6 nyied 14 hauh, dwg guek raeuz daih 9 aen “ngoenz vwnzva yizcanj”. Lozcwngz Mulaujcuz Swciyen youq ndaw yienh gawjbanh feihvuzciz vwnzva yizcanj baijyienj hozdung. Dinfwngz dajsiuq、diuq foux lungzfiengz、ywdoj、dajsan daengj gij feihvuzciz vwnzva daegsaek hanghmoeg Mulaujcuz neix youq gwnz hozdung caeuq vunzlai raennaj, sawj gyoengq ginzcung ndaej caenndang depgyawj feihyiz vwnzva, son gij cihsiz baujhoh feihvuzciz vwnzva yizcanj hawj ginzcung. Dangqnaj, Lozcwngz vatgud cingjleix le 1015 aen feihvuzciz vwnzva yizcanj hanghmoeg, dinfwngz dajsiuq Mulaujcuz、diuq foux lungzfiengz Mulaujcuz ndaej lied haeuj swcigih gaep “feihvuzciz vwnzva yizcanj” baujhoh mingzloeg, Mulaujcuz ciet yihfancez ndaej lied haeuj guekgya buek daih’it “feihvuzciz vwnzva yizcanj ” baujhoh mingzloeg.

(Mungz Swhcwngh/蒙增师)