Geij ngoenz gonq, Yungzsuij Myauzcuz Swciyen heij guh le hong soucomz fwen minzcuz ndawbiengz. Doenghgij fwen yaek souaeu de dwg ndaw yienh neix ndawbiengz gag miz, caemhcaiq miz Myauzcuz、Yauzcuz、Dungcuz、Bouxcuengh daengj minzcuz daegsaek, neiyungz dwg eu gingqlaeuj、couxhek、guhhong、guhyoux、minzcuz doxgiet、gaijgwz hailangh daengj. Baez neix soucomz seizgan daengz bineix 6 nyied 15 hauh sat lo, gij cozbinj ndaej sou de yaek ciengj hawj ceiq sang 3000 maenz.

Ciuq cam rox, guh baez soucomz fwen minzcuz ndawbiengz neix, couh aeu soucomz ndaej doenghgij fwen miz dangdieg daegsaek、minzcuz daegsaek noengzna de, hawj gij mingz“Yungzsuij baenzsiengq·Mbanj- myauz gyaeundei” neix riuzcienz lai gyae.

(Siz Gveiz/石 奎)