●Vih ciepcoux daihgouj aen daengx guek ngoenz vwnzva yizcanj, 6 nyied 12 hauh, Cauhbingz Yen cingj doengh- boux lauxhangz ndawbiengz daengz ndaw yienh Daih’it Siujyoz, gaihcanj feihvuzciz vwnzva yizcanj haeuj hagdangz hozdung, dangciengz baijok、baijyienj, caeuq hagseng dox- gyau.

(Liuz Feih)

●Dangqnaj, Lozcwngz Mulaujcuz Swciyen ndaw gunghyezyenz miz 27 aen gunghyez giyez, ndawde miz 17 aen swnghcanj giyez, cingq laebhwnj 8 aen. Bi’gvaq guh ndaej gunghyez canjciz 11 ik maenz, gunghyez canjciz lai ndaej 3.4 ik maenz, doengzbeij gyalai 16.8%, gyau ngaenzsui 6800 fanh maenz, hawj 3000 lai vunz ndaej hwnjban.

(Mungz Cwnghswh)

●6 nyied 12 hauh (liggaeuq nguxnyied cibngux), Lungzswng Gak Cuz Swciyen Mbanjmyauz Fuzyungz gawj- banh daihhaj gaiq ciet fwen duenngux Myauzcuz, gyawj 3 fanh vunz daeuj camgya.

(Banh Denhsiu Lungz Vaizyiz)

●Geij ngoenz gonq, Lingzyinz Yen Cwngfuj ciuhai aen beizyinvei guh hong soucomz cingjleix henhoh sawgeq saujsu minzcuz, gungh miz 19 boux mizgven de daj ndaw yienh 8 aen yanghcin nem ndaw yienh gak danhvei daeuj camgya beizyin.

(Loz Caijginz)

●6 nyied 11 hauh, gohgi yinzyenz Yungzanh Yen Sihsanh Linzcangz cazyawj dinfaex samoeg maj baenzlawz yiengh. Dangqnaj, aen yienh neix dajndaem faexsamoeg 129 fanh moux, go faexlix miz 412 fanh lizfanghmij, dajndaem faex- samoeg dwg cungj canjyez daeuz hawj nungzminz diegbya souh’ik ndeu.

(Danz Gaijhingh)