Seizhah mbwn ndat, baez mbouj siujsim couh hanh lae hanh roenx. Ok hanh couhdwg aenndang sied raemx, gyaz hix gaenriengz sied bae.

Gyaz dwg cungj yingzyangj cwngzfwn youqgaenj ndaw ndang vunz he, hix dwg cungj dengaijciz youqgaenj ndeu. Seizndat fuengz aenndang noix gyaz, ceiq ancienz ceiq mizyauq fuengfap dwg lai gwn gij huq hamz gyaz lai haenx, cujyau miz duh、byaekheu、lwgmak daengj. Ndaw duhhenj hamz gyaz ceiq lai; ndaw byaekheu hamz gyaz lai miz byaekbohcai、maenzcienz、byaekginzcai、byaekohswnj daengj; ndaw lwgmak hamz gyaz lai miz gyoijhom、makdoengj.

Linghvaih, seizhah ok hanh seiz veiz- swnghsu C hix gaenriengz baiz okdaeuj, yungzheih cauhbaenz aenndang noix veiz- swnghsu, ndigah aeu lai gwn gijgwn hamz veizswnghsu C caeuq veiswnghsu B lai haenx. Itbuen daeuj gangj, mwh ok hanh lai roxnaeuz dijvwnh daiq sang seiz, gwn raemx ceiq ndei dwg gwn noix gwn lai baez, baenzneix ndaej hawj aenndang ok hanh menh, raemx fwifat noix, bouj gwn naz aeu yawj ok hanh lainoix daeuj dingh.