Boux baenz ae’ngab baez bungq daengz heiq gyoet rumz gyoet roxnaeuz gwn gijgwn gyoet le, couh yungzheih fukfat baenz ae’ngab lo. Gyoengq- vunz hanh lae hanh roenx haeuj ndaw rug gunghdiuz bae couh gamjdaengz liengzsangj cwxcaih. Hoeng, boux ndang gominj danghnaeuz daj seizhah cienj haeuj seizcou seiz, saihoz raemhrwnh deng heiq gyoet gig le, doq rox yinxfat baenz ae’ngab.

“Gyoet” doiq vunzbingh ae’ngab daeuj gangj, mbouj- lwnh aen geiqciet lawz cungj dwg aen yenzyinh yaeuhfat baenz ae’ngab he. Ndigah, vunzbingh ae’ngab seizhah hix aeu fuengz“gyoet”. Gidij cosih dwg: Vwnhdu ndaw ranz caeuq rog ranz doxca gaej mauhgvaq 5 doh, engq mbouj ndaej hawj bak rumz gunghdiuz ci coh swhgeij. Youq rog ranz hanh lae hanh roenx dauqma seiz, gaej sikhaek hai gunghdiuz roxnaeuz gwn yinjliu gyoet, wng sien mad hanh hawq, caiq gwn boi raemxgoenj raeuj ndeu, caj cingzsi onjdingh le caiq hai gunghdiuz roxnaeuz gwn yinjliu gyoet. Linghvaih, ndaw ranz aeu ciengzseiz baet seuq, dinghseiz hai cueng vuenh heiq. Lai lienhndang daeuj demgya rengz dingj bingh, yienghneix couh noix baenz ae’ngab lo.