(ciep geizgonq)
53
Baz ngamq bae daengz ranz 娘刚去到屋，
Hai bak cam Dahgyax 开口问达甲；
Mwngz hix dai baenaj 你已经死去，
Yawz dauqma ngoenzneix 又怎再回家。
Baz neix sim daiq naeuh 这婆心太烂，
Caiq bae yaeuh lwglan 再骗儿孙家；
Baz ngamq bae daengz ranz 娘刚去到屋，
Hai bak cam Dahgyax 开口问达甲。
Baz siengj hengz sim doeg 娘想行毒心，
Cix cam lwg aeu vah 就问儿要话；
Mwngz hix dai baenaj 你已经死去，
Yawz dauqma ngoenzneix 又怎再回家。
54
Dahgyax ngamq gangjvah 达甲刚开口，
Raemxda daeuj mbouj dingz 眼泪就掉落；
Gou dai haeuj lajim(lajyaem), 我死进阴间，
Sien miz sim daeuj gouq 仙人来救活。
Gou ciuhneix hoj lai 我这辈苦多，
Meh gou caeux couh gvaq 亲娘早死过；
Dahgyax ngamq gangjvah 达甲刚开口，
Raemxda daeuj mbouj dingz 眼泪就掉落。
Meh gou dai ndaej caeux 我娘死得早，
Gou cix souh hoj cingz 我就受折磨；
Gou dai haeuj lajim 我死进阴间，
Sien miz sim daeuj gouq 仙人来救活。
55
Baz dingq yienghneix gangj 娘听这样讲，
Dangq oen camx simdaeuz 像棘扎心头；
Youh lingh naemj geiqmaeuz 又另想毒计，
Itdingh aeu haih mingh 定把她命收。
Gou doek raemx dai haeuh 我落水死后，
Duzsien daeuj banggang神仙帮筹谋；
Baz dingq yienghneix gangj 娘听这样讲，
Dangq oen camx simdaeuz 像棘扎心头。
Dahgyax mbouj dai bae 达甲不死掉，
Gou Dahngeiz yawz daeuj 达儿怎占有；
Youh lingh naemj geiqmaeuz 又另想毒计，
Itdingh aeu haih mingh 定要把命收。
56
Raen Dahgyax daemjrok 见达甲织布，
Baz faex ngok roengzbae 娘棍打下去；
Siengj moeb dah dai bae 想打死达甲，
Dah gyaeundei hwnjdaeuj 她变更美丽。
Siengj ngaex dah roengz daemz 想推她下塘，
Dah ndicoengz ok rog 她家门不离；
Raen Dahgyax daemjrok 见达甲织布，
Baz faex ngok roengzbae 娘棍打下去。
Siengj haih dai vaiqdangq 想快点害死，
Hawj gyadangq Dahngeiz 给达儿顶替；
Siengj moeb dah dai bae 想打死达甲，
Dah gyaeundei hwnjdaeuj 她变更美丽。
57
Baz moeb dah mbouj dai 娘棍打不死，
Youh lingh hai doeggeiq 又再施毒计；
Cam Dahgyax naeuz neix 这样问达甲，
Mwngz yawz ndaej baenz hau 你怎白西西。
Baz neix dangq duzguk 这婆像老虎，
Yawz sim nduk baenz lai 心肠毒无比；
Baz faex moeb mbouj dai 娘棍打不死，
Youh lingh hai doeggeiq 又再施毒计。
Raen dah ndei gvaq vunz 见她比人美，
Baz simbwn youh ngeix 后娘又计议；
Cam Dahgyax naeuz neix 这样问达甲，
Mwngz yawz ndaej baenz hau 你怎白西西。
58
Dahgyax han coenzhauq 达甲就答道，
Aeu raemxbauq dongj ndang 用开水烫身；
Noh youh hau youh rang 肉又香又白，
Dai vanzlij dauq lix 死还可再生。
Hengz sim doeg mbouj ndei 行毒心不好，
Yak cix meiz yak bauq 恶就有恶惩；
Dahgyax han coenzhauq 达甲就答道，
Aeu raemxbauq dongj ndang 用开水烫身。
Dahgyax mingh maih hoj 达甲命虽苦，
Miz sien daeuj hoh ndang 有仙人护身；
Noh cix hau youh rang 肉又香又白，
Dai vanzlij dauq lix 死还可再生。
59
Baz dingq gangjnaeuz neix 后娘听此话，
Cix gag eiq ndaw sim 心里自高兴；
Aeu raemxbauq dongj sin(ndang) 要开水烫身，
Dai caemdinz baenaj 从此死寂静。
Cienq raemx bauqbyobyo 烧水开乎乎，
Daj gwnz cox roengzbae 从头冲下身；
Baz dingq gangjnaeuz neix 后娘听此话，
Cix gag eiq ndaw sim 心里自高兴。
Baz neix sim daiq vaih 这婆心太坏，
Cix goj laihnaeuz cin 自以为是真；
Aeu raemxbauq dongj sin 要开水烫身，
Dai caemdinz baenaj 从此死寂静。
60
Doenggvaq gienh seih neix 通过这件事，
Swhgeij gag faenmingz 告诉众分明；
Doekseng youq lajmbwn 做人在世上，
Gaej guh vunz sim doeg 莫做毒心人。
Hengz doegsim haih vunz 行毒心害人，
Fanj haih daengz cihgeij 反害及本身；
Doenggvaq gienh saeh neix 通过这件事，
Swhgeij gag faenmingz 告诉众分明。
Hengz sienhsaeh meixdaek 行善事美德，
Gaej guhcaeg gwn vunz 莫暗偷害人；
Doekseng youq lajmbwn 做人在世上，
Gaej guh vunz sim doeg 莫做毒心人。
(caengz sat)
缩小
默认
