Daj 2007 nienz daeuj, Fuconh Yauzcuz Swciyen Cauzdungh Cin bouxcoz Yauzcuz Fan Gaihyinz doenggvaq haenqrengz cangyez, youz Cauzdungh Cin Dangjveij、Cwngfuj nem Linzyezgiz、Gunghsanghgiz daengj bumwnz haenqrengz bang- coengh, laebbaenz le ciengx mou nungzyez hozcozse. Daengz dangqnaj, de gonqlaeng roengz 100 lai fanh maenz, youq henz mbanj co 50 lai moux diegfaex daeuj guh swnghdai sinzvanz dajciengx. Doenggvaq langh ciengx“mouraih(aeu duzraih caeuq mouranz doxboiq)”, aeu gij raemx、bwnh ndaw daemzcaujgi coq rum, caiq aeu rum nem haeuxyangz daeuj gueng mou, ciengx 8 ndwen daengz bi ndeu couh maj 100 gaen baedauq cij gai, bi gai 600 lai duz, bi cinghsouhaeuj 30 lai fanh maenz. Dangqnaj, gizdieg ciengx mou Fan Gaihyinz hai de ciengx miz 400 lai duz mou, ndawde moumeh 50 duz.

(Cinz Youjyin/陈有运 Cinz Yengiz/陈献吉)