●Geij ngoenz gonq, Bingz- gvei Gvanjlij Gih guhsat hong niemhsou bi’gvaq gaijguh ranz- yiemj. Ciuq gyoepsuenq, aen gih neix bi’gvaq gaijguh ranzyiemj 3500 hoh, gaijgez aen vwndiz dangdieg minzcuz ginzcung youq ranz hoj, hawj gyoengqde souh’ik.

(Vuz Lifangh)

●Gaenh duenh seizgan, Denhdwngj Yen youq seiz mbwn ndei fwn lai neix, gibseiz cujciz 5000 lai gyaq nungzgih roengz doenghnaz bae cae naz、raeq naz、 ndaem naz.

(Liengz Cwngzfuj)

●Bi’gvaq, Bingzgoj Yen lajmbanj goengloh gensez gungh- cwngz aen roensuijniz doeng mbanj hanghmoeg（cien cunh doxdoeng hanghmoeg）gungh guh 11 diuz 77 goengleix, yienh yangh cunh goengloh doxdoeng caez lo, daengx yienh 181 aen cunh nem segih hix doeng goengloh caez lo.

(Vuz Anhginh)

●Lozcwngz Mulaujcuz Swciyen dingh bineix guh 10 aen gunghcwngz hawj vunzlai souh’ik. Gij gunghcwngz neix baugvat vanzging henhoh、ranz- youq baujcang、yihliuz veiswngh、ancienz vwnzmingz daengj fueng- mienh, moix aen hanghmoeg cungj dingh ndei baenzlawz guh, neix bauj hawj vunzlai ndaej souh’ik.

(Liu Gvanghfuz)

●Bineix daih’it geiqdoh, Sanhgyangh Dungcuz Swciyen cazsauj canjlieng 350 dun, mbawcaz cungjcanjciz 1.26 ik maenz, neix couh laebdaeb 11 bi laisou.

(Gungh Bujgangh)

●Dangqnaj, Denhngoz Yen Yangyangz Cin Mbanjgyahlangz lwgmak sifan gihdi gaenq daj- ndaem gomak 5000 lai moux. Aen gihdi neix bi soundaej gomak 400 fanh dun, moix bi souhaeuj 700 fanh maenz, aen mbanj neix moix ranz bingzyaenz moix bi souhaeuj 3.5 fanh maenz, neix sawj vunzlai ndatcingz guhhong baenzfouq.

(Liuz Yaujginh)