Daj bineix daeuj, Ningzmingz Yen roengzrengz dawz aen hozdung“Gvangjsih gyaeundei·lajmbanj cinghseuq” neix dangguh aen bingz- daiz youqgaenj hengzguh dangj raeuz ginzcung lusen gyauyuz sizcen hozdung, okmoq“1+1=3”cungj cosih neix, doidoengh aen hozdung“Gvangjsih gyaeundei·lajmbanj cinghseuq”caeuq dangj raeuz ginzcung lusen gyauyuz sizcen hozdung doxyungz doxcoi baenaj, aeundaej cingzcik ndei.

“1+1”couhdwg dawz gij hong baetseuq lajmbanj caeuq gaihcanj dangj raeuz ginzcung lusen gyauyuz sizcen hozdung doxcomz hwnjdaeuj doengzcaez bae guh.“3”dwg song aen hozdung neix yaek aeundaej sam aen yaugoj. It dwg aeu dangj raeuz ginzcung lusen gyauyuz sizcen hozdung daiqlingx hong baetseuq lajmbanj. Ngeih dwg aeu gij cwngzgoj baetseuq lajmbanj de daeuj dagrau dangj raeuz ginzcung lusen gyauyuz sizcen hozdung guh ndaej baenzlawz yiengh. Sam dwg aeu song hangh hozdung dangguh aen byauhcunj youqgaenj dagrau aen ganbu yiengh- siengq daezsang gunghcwngz neix guh ndaej baenzlawz yiengh.

Daj bineix daeuj, aen yienh neix gungh senj 385 boux“Gvangjsih gyaeundei”lajmbanj gensez(fuzbinz) gunghcoz duiyenz, haeuj daengz cunh mbanj caeuq vunzmbanj caemh gwn、doengz youq、caez guhhong, hawj daengx yienh dangj raeuz ginzcung lusen gyauyuz sizcen hozdung aeundaej cwngzyau gig caensaed.

(Couh Yizgangh/周贻刚 Liengz Yingh/梁英)