Daj bineix daeuj, Yungzanh Yen Dangzcai Cunh aen fanden heuguh“Daswnh Nungzcangh” de moix daengz couhmoz bingzyaenz moix ngoenz ciep hek 100 lai vunzbaez, souhaeuj daihgaiq 1000 lai maenz; aen fanden neix dwg ndaw cunh doiq gvanbaz Liu Fuzyinz nem Cinz Yinjgyauh neix hai, songde dwg doenghboux Myauzcuz dajgoeng dauq mbanj.

2012 nienz daej, Liu Fuzyinz ciq daigvanj 3 fanh maenz, youh ciq caencik baengzyoux 17 fanh maenz, gag comz 20 lai fanh maenz, gungh 40 lai fanh maenz, heij guh ranz fanden. Youq dajveh nem anbaiz seizde, dawz dangdieg gij minzcuz funghcingz、minzcuz sibgvenq noengzna de yungz haeujbae. Gijneix dazyinx le vunzhek daeuj neix ngonzyawj, gwn ngaiz.

(Veiz Cujswz/韦祖祠 Se Mingz/谢 明)