5 nyied 26 daengz 27 hauh, Dunghlanz Yen niemhsou 28 diuz roensuijniz, gij roen neix dwg 2013 nienz laebhangh. Ginggvaq bingzsaemj, gij gunghcwngz neix cungj doenggvaq niemhsou.

Ciuq cam rox, aen yienh neix 2013 nienz roen doeng mbanj hanghmoeg gungh gensez 28 diuz 111.84 goengleix, faenbouh youq daengx yienh 14 aen yanghcin, guh doh 29 aen cunh. Gij roen neix cungj ciuq seiq gaep goengloh byauhcunj dajveh anbaiz, giekdaej gvangq 6.5 mij, najloh gvangq 4.5 mij, suijniz na 20 lizmij, gungh roengzngaenz 6156 fanh maenz, gyawj 6 fanh saujsu minzcuz souh’ik. Gij roen neix ndaej yungh le, couh caezcienz gij roen lajmbanj aen yienh neix, gaijndei ginzcung swnghcanj swnghhoz diuzgen, doiq nungzminz laisou miz cozyung gig hung.

(Veiz Canghyoz/韦昌学)