5 nyied 23 hauh, Cungzcoj Si Gyanghcouh Gih gawjbanh 2014 nienz Sawcuengh Gihcuj Cihsiz Beizyin- banh, ndaw gih neix gyoengq lingjdauj ganbu ndaw minzcuzgiz、minzyijban, doenghboux lauxhangz Sawcuengh ndaw gyauyuz hidungj、fulenz, doenghboux canghfwen ndaw Gyangh- couh Gih Canghfwen Hezvei, gungh 25 boux camgya beizyin.

Gyanghcouh Gih Minzcuzgiz、Minzyijban caeuq Gyauyuzgiz doengz- caez gawjbanh baez beizyinbanh neix. It dwg hag nem hengzguh gij vwnzgen cingsaenz《Aen Dunghcih Gvendaengz Swcigih Minzyijveij Guh Ndei Hong 2014 Nienz Sawqdiemj Gauj Vahcuengh Sawcuengh》, hawj doenghboux yaek camgya gaujsi de guh ndei hong bwh gauj. Ngeih dwg fat《Vahcuengh Sawcuengh Suijbingz Gaujsi Yingsi Cijnanz》daengj swhliu, comz gyoengq yozyenz hag singmeh、yinhmeh、singdiuh daengj gij gihcuj cihsiz Vahcuengh Sawcuengh. Sam dwg gyoengq yozyenz gangj baenz- lawz guh ndei baez hong sawqdiemj neix. Ndaw doz dwg beizyinbanh yienhciengz.

(Se Naijyiz/谢乃日)