●5 nyied 28 hauh, Yungzsuij Myauzcuz Swciyen Cwnghez、Dungjcanbu、Fulenz daengj comz 10 lai boux“daxmeh simgyaez”daengz Yungzsuij Cin Beilinz Siujyoz gaihcanj“roek it”gyaez“lwgnyez gungzhoj louz mbanj”haeuj hagdangz hozdung, soengq saw、dangauh hawj gyoengqde, caeuq gyoengqde guhcaemz, angqcoux ciet“roek it”.

(Vangz Cungh)

●6 nyied 1 hauh, Lungz- swng Gak Cuz Swciyen gawj- hengz youq diegbya gwih danci doxdax, gij roen doxdax raez 15 goengleix, neix yinx le 200 lai bouxdoxdax daj rog guek、ndaw guek daeuj camgya.

(Veiz Gizyangz Yungz Veih)

●5 nyied 29 hauh, Nanzningz Si Funglingjbwz Segih Ranzminzcuz comz gyoengq saujsu minzcuz ndaw segih banh lenzyiz hozdung. Gij hozdung neix hawj gak cuz ginzcung doxlienz doxndei, hawj ndaw segih gak minzcuz doxgiet caemhyouq.

(Cinghsiu Minzcuzgiz)

●5 nyied 28 daengz 29 hauh, Dava Yauzcuz Swciyen Bwzgingj Yangh gyoengq lingj- dauj faenbied haeuj gak aen siujyoz, soengq doenghyiengh nem cienz hawj doenghboux lwgnyez louz mbanj, daezgonq caeuq gyoengqde gvaq“roek it”.

(Cinz Gingbungz)

●5 nyied 29 hauh, Lozcwngz Mulaujcuz Swciyen Fuzbinzban ngaisau naeuz, bineix, aen yienh neix leihyungh 20 fanh maenz cienmonz fuzbinz de, fat“moulwg fuzbinz”hawj doenghboux Mulaujcuz gungzhoj de, hawj gyoengqde lai gaenx ciengx moux, engq vaiq baenzfouq. Dangqnaj, gaenq soengq 344 duz moulwg hawj 86 hoh ranzhoj.

(Mungz Cwnghswh)