Duh’anh Yangh Duh’anh Cunh dwg aen diemj youz Dwzbauj Yen Minzcuzgiz lienzhaeh bangfuz de, vih hawj vunz saujsu minzcuz daezsang gohgi vwnzva suciz, beizyangj buek nungzminz moq miz vwnzva、rox gisuz、rox ginghyingz ndeu, 5 nyied 8 hauh, aen giz neix youq Duh’anh Cunh Nungzbaiz Lwgmak Sifanben gawjbanh lwgmak dajndaem gisuz yienhciengz beiz- yinvei, Duh’anh Cunh 85 boux daj- ndaem lwgmak de camgya beizyin.

Youq guh beizyinvei seizde, aen giz neix cingj ndaw cunh neix bouxdajndaem lwgmak ak de heuhguh Dangz Gijganh、Vangz Yungjyenj, song boux“lauxhangz ndaw mbanj”neix gangj gij gingniemh dajndaem lwgmak, youq yienhciengz gangj baenzlawz ganq makdoengj、makgam、makdauz daengj gomak, baugvat raed mbaw、raed ngeiq、raed nyod、coq bwnh nem fuengzre nonhaih daengj, caemhcaiq gejdap gak cungj vwndiz. Doengzseiz, lij fat 100 lai faenh gisuz swhliu gvendaengz lwgmak swnghcanj guenjleix nem fuengzre nonhaih daengj.

(Nungz Yungjfang)