●5 nyied 9 hauh, gohgi yinzyenz baedaengz Yungzanh Yen Swdingj Cin Majdenz Cunh, doiq vunzlai gangj vagimngaenz dajndaem gisuz. Dangqnaj, aen yienh neix ndaem miz vagim- ngaenz 1000 moux, ndaw hawciengz sou vagimngaenz moix goenggaen 20 maenz, neix moix moux hawj nungzminz laisou fanh maenz.

(Danz Gaijhingh)

●4 nyied 18 hauh daengz 5 nyied 8 hauh, Cunghgoz Sevei Gohyozyen Minzcuzyoz Nem Yinzleiyoz Yenzgiusoj godijcuj gungh 4 boux daengz Lungzlinz Gak Cuz Swciyen guh diuyenz, daengz ndaw yienh neix 80 lai aen danhvei、3 aen yanghcin、3 aen cunh(segih)、aen yozyau ndeu daengj diucaz nem soucomz swhliu.

(Dauz Dwzgvangh)

●5 nyied 7 hauh, Lungzanh Yen gawjhengz hozdung heuhguh “seiq nyied bet” Bouxcuengh. Baez hozdung neix“vwnzva dapdaiz, ginghci ciengqheiq”, coicaenh dangdieg ginghci faz- canj, daezsang le gij mingzdaeuz aen yienh neix, 10 lai fanh vunz dangdieg nem vunzhek camgya baez hozdung neix.

(Nungz Dungh)

●5 nyied 9 hauh, Ginhcouh Si Ginhbwz Gih Minzcuzgiz baij ganbu haeuj doenghgij cunh、mbanj、nungzhoh saujsu minzcuz bae, caeuq ndaw cunh song veij ganbu nem ginzcung dangqnaj gangjgoj、doxgyau, cam gyoengq- de aeu yigen nem genyi.

(Luz Minzveiz)

●Lai bi daeuj, Siengcouh Yen daihlig doihaeuj nungzyez gihgaiva suijbingz. Dangqnaj daengx yienh miz gak loih dohlahgih 1.5 fanh lai gyaq, gij gih ndaem gyaj miz 389 aen, 7 aen cangj guh ung gyaj sifandenj, aeu gihgai cae naz beijlaeh dabdaengz 99.8%, aeu gihgai ndaem naz beijlaeh dabdaengz 31.7%.

(Dangz Binh)