Bi’gvaq, Ginzhih Si Minzcungh- ban“ca gouj yiengh”guh ndei hong minzcuz, ndaej vunzlai haenhndei.

It dwg guh ndei ndwen senhconz minzcuz doxgiet cinbu hozdung. Ngeih dwg guh ndei hong sinhbau hanghmoeg. Sam dwg guh ndei hanghmoeg gensez, gaijndei minz- swngh diuzgen. Bi’gvaq aen si neix guh sat gak gaep doenghgij “hanghmoeg cienzngaenz fazcanj saujsu minzcuz”5 aen, roengz sat cienzngaenz 50 fanh. Seiq dwg guh ndei sifan gensez, cauxguh“ranz minzcuz”. Haj dwg guh ndei hong hengzguh cwngcwz, lai ndei dwk fuzvu vunzlai. Roek dwg guh ndei siusik senhconz, baijok bumwnz funghcaij. Caet dwg laeb ndei“sam aen duivuj”, henhoh sevei onjdingh. Aen minz- cunghban neix guh ndei hong laeb“sam aen duivuj”, couhdwg“minzcuz gunghcoz sinsizyenz、minzcuz gven- haeh hezdiuzyenz、minzcuz gunghcoz conhgyah guvwn” sam aen duivuj neix. Bet dwg guh ndei hong byaujcangh senhcin, hawj doenghboux guh hong minzcuz de engq miznaj. Gouj dwg guh ndei beizyin, daezsang gunghcoz suijbingz. Aen minz- cunghban neix bi’gvaq guh ndei le hong beizyin minzcuz cwngcwz nem faplwd fazgveih, gungh banh 5 geiz beizyinbanh, beizyin doenghboux guh hong minzcuz de 300 lai vunz.

(Liuz Sinhvaz)