Aen ndang ndaemndongq, song diuz mumh youh saeq youh raez, neix couh dwg duzmoed iq.

Youq henz dinciengz ranz gou, miz rongz moed ndeu. Gou baez cuengqhag dauqma, couh maeuq youq henz ranz sijsaeq yawj duzmoed, mizseiz gaem faex iq daeuj nyauxluenh aen rongz gyoengqde, dawz bang moeg faensanq bae, hoeng, mbouj geij nanz, gyoengqde youh comz youq guhdoih lo; mizseiz gou youh buet ma ndaw ranz aeu gij bingj ndeigwn daeuj gueng gyoengqde, hainduj miz duz moed iq ndeu fatyienh lo, de cijdwg nyouq le youh nyouq, lumjbaenz genjcaz gijgwn dwg mbouj dwg ancienz. Gvaq yaep he, rox mbouj miz yungyiemj seiz, couh cimz geij gaemz, rox feihdauh mbouj loek, couh buekmingh aeu gaeu bae dingj, siengj dawz gij bingj buen baema, hoeng, bingj daiq naek lo, de saedcaih doi mbouj doengh, couh cienq deuz lo. Gou siengj：Gij bingj youh rang youh ndeigwn, duzmoed baenzlawz mbouj gwn ne？Gou cingq siengj dwk, couh raen duzmoed baenz bang baizdoih raih gvaqdaeuj lo. Yenzlai dwg duzmoed iq haenx baema ra doih daeuj buen bingj ha. Bang moed iq itheij dawz aen bingj haeb baenz geij faenh, caiq baez di baez di buen ma ndaw rongz bae.

Gou raen ndaw saw gangj gvaq, duzmoed aemq ndaej gij doxgaiq beij swhgeij naek 6 boix, caen ndaej gangj duzmoed dwg doenghduz gwnz seiqgyaiq rengz ceiq hung ne!

Gou nyaenx mbouj ndaej danqhaenh：Doenghduz iq ha doenghduz iq, siengj mbouj daengz mwngz ndang iqetet, cix comz baenzlai rengz ha.

（指导老师：覃珍团）