Ngoenzneix banngaiz, dax- meh roengzban ma ranz couh buet haeuj ranzbakcauq nyaengq hwnjdaeuj.

Gvaq yaep ndeu, “a”sing hemqgetget ndeu daj ranz- bakcauq cienz okdaeuj. Gou lienzmuengz cung haeuj ranz- bakcauq, simgip dwk cam:“Daxmeh, mwngz baenzlawz yiengh ne?”Daxmeh lumj mbouj miz saeh ityiengh naeuz:“Mbouj miz gijmaz saeh, cij dwg heh di naeng fwngz, aeu canggojdez daeuj bau ndei couh ndaej lo.” Gou sikhaek buet bae ndaw rug ra canggojdez, saeqsim bang daxmeh dawz gij sieng bau ndei. Daxmeh lub gyaeuj gou, riu dwk naeuz:“Daeg lwg ha, ngoenzneix daxmeh “gaj” duz gaeq he lo.”Gou dauqcawq yawj, yi, gizlawz miz duzgaeq ne? Gou angq cam daxmeh:“Duzgaeq cuengq youq gizlawz ha? Gou ndaej gwn gagaeq ba?”Daxmeh riuhaha naeuz: Siengj gwn lai, lwgfwngz gou couh dwg “duzgaeq” ha!

A? Gou gig geizheih, daxmeh vih gijmaz gangj lwg- fwngz swhgeij couhdwg duzgaeq ne? Daxmeh lwnh gou, neix dwg vah bouxlaux raeuz gangjriu daeuq lwgnyez, youq ndaw Vahcuengh cungj vah neix lij miz haujlai ne!

Daxmeh “gaj” duzgaeq neix caen hawj gou dem cihsiz lo.

（指导老师：韦彩芳）