Youq ngoenznaengz swnghhoz ndawde, mbangj boux baenz dungx in caengz ginggvaq canghyw duenq yw couh gag gwn gidungben daeuj yw dungx in, daengzlaeng aendungx engqgya in dwk youqgaenj.

Gidungben dwg youz anhgihbijlinz、feihnazsihdingh、bwnjbahbijdoj、gahfeihyinh habbaenz, seiq cungj cwngzfwn neix cungj rox gig aendungx, ndaej yinxhwnj duenh aek baihgwnz insep、rub myaiz rueg ok, daegbied dwg gahfeihyinh caeuq anhgihbijlinz gig aendungx haemq youqgaenj. Gahfeihyinh cawz cigciep gig nemmuek aendungx le, lij ndaej coi veisonh iemqok, hawj giz in caeuq giz biux naeuh aendungx nem cibngeihcijcangz engq haeuj naek. Ndigah, mwh dungx in seiz gwn gidungben, bingh couh engq haeuj naek lo.

Dungx in seiz gaej gag luenh gwn yw, wng ciuqei canghyw daengq bae cawx yw gwn yw, mienxndaej oksaeh.