Mbangj vunz gwn laeuj fiz le doq ninzdaengjai gwnz mbonq, yienghneix ninz gig yungyiemj.

Vunz laeuj fiz le dingzlai dwg gwn imq lo, ndaw dungx gijgwn lai, caemhcaiq boux laeuj fiz ciengz miz rub myaiz、rueg ok daengj yienghsiengq, aenvih saihoz caeuq hoz- gyongx caemhdoih lienzciep conghhoz, danghnaeuz ninz- daengjai, gijgwn ndaw dungx nanz rueg okdaeuj, yungzheih haeuj daengz ndaw saihoz bae, sengmingh couh miz yungyiemj lo. Linghvaih, gwn laeuj daiq lai rox cauhbaenz ciujcingh dengdoeg, cujyau raen miz saeknaj haumiek、naengnoh cumx gyoet、naeng- bak heuaeuj、diemheiq gemj- menh daengj yienghsiengq. Youq gwnz linzcangz, ciengz raen boux aenvih laeuj fiz yinxhwnj daimbaet.

Vunz ndaw ranz aeu haeujsim, naengh miz vunz gwn laeuj fiz lo, gaej hawj de ninzdaengjai, aeu fuz de ninzngeng, yienghneix mizleih de rueg gijgwn okdaeuj, couh mbouj lau oksaeh lo.